.png)
.png)
في العيد كل بنت بتحب تظهر بأجمل شكل، وأكتر حاجة بتحلي أي بنت هي العيون، علشان كده هنقول لك النهارده خطوات بسيطة علشان تعملي ماكياج بسيط وجميل لعيونك..
ودلوقتي تابعي معانا الخطوات بالصور:
1- حضّري منطقة العيون لاستقبال الماكياج بإنك تحطّي كونسيلر مناسب للون بشرتك في المنطقة اللي تحت العين، وعلى الجفن من فوق حطّي آي شادو بلون مناسب للون بشرتك، وبعد كده حدّدي خط الرموش بقلم الكحل العادي، أو باستخدام الكحل المائي والفرشة المايلة زي ما الصورة الأولى في الجاليري بتوضح، والخطوة دي بتساعدك إنك تظهري عيونك بشكل أوسع وكمان بتحدّد منطقة الرموش.
2- حطّي طبقة تقيلة من الآي شادو باللون البني الغامق، وادمجيه بأصابعك وابدئي افرديه على منطقة الجفن لغاية ما توصلي للمنطقة اللي تحت عظمة الحاجب.
3- وزّعي طبقة من البودرة السايبة بشكل خفيف على الأي شادو اللي حطّيتيه علشان يثبّته، ومايسيحش منك.
4- حطّي طبقى أي شادو تانية بدرجة أفتح من اللي استخدمتيها في الأول عند الزاوية الخارجية للعين وادمجيه كويس مع اللون الأول واسحبيه بشكل بسيط على بره علشان تدّي شكل أوسع لعيونك، ولو عايزة رسمة عيونك تبقى واضحة أكتر ممكن تستخدمي لون تاني زي الزيتي أو الرمادي، وفي الآخر حطّي طبقة خفيفة من الماسكرا.
اضغط على الصورة لمشاهدة الجاليري:
